“TITA, bakit kailangan n’yong ilabas kaagad ang balitang buntis ako?” tanong ni Nicole sa manager niya habang nilalagyan ng strawberry jam ang pancake mixture niya sa bowl. Maaga itong nagtungo sa bahay niya at nagulat pa ito nang madatnan siya sa kusina na gumagawa ng almusal.
Hindi lingid dito ang katamaran niya sa umaga. Alam din nito na hindi siya gaanong mahilig mangusina. Marunong siyang magluto dahil pilit siyang nag-aral noong ikasal sila ni Jerome at marami ang nagsasabi na natural siya sa kusina, ngunit hindi talaga niya nakahiligan ang pagluluto. It felt like a lot of work to her, not an enjoyable hobby.
Ngunit kakaiba yata ang gising niya nang araw na iyon. She felt so well rested. Maganda ang mood niya at ang gaan-gaan ng pakiramdam niya. Resulta marahil iyon ng maghapon at
