Chapter 39
Kino’s PoV
Itinaas ko ang dalawa kong kamay matapos pahintuin ang dala kong Jaguar. Nakatutok kasi sa akin ang baril ng isang lalaking naka motor.
Pagbaba ko ng kotse, sa aktong isasara ko na ang pinto ng driver’s seat, agad kong binigyan ng roundhouse kick ang lalaking may baril. Tinamaan siya sa leeg kaya bago siya hahandusay sa lapag ay hinablot ko ang kaliwang pulsuhan niya at pinilipit ang braso niya sa kanyang likod at sinubsob siya sa kotse para hindi siya makawala. Ang kanang kamay naman niyang may hawak na baril ay hinawakan ko at itinutok sa isa niyang kasama.
“Sige subukan niyo lang lumapit at butas ang bungo nitong kasama niyo,” babala ko.
Pilit na pumapalag ang lalaki sa’kin. “Bro, just do what he says, bro!” Nagmamaka-awa na ang lalaking hawak ko dahil sa
