"I was dootin' that," he said. "If ye had I could hae played the seconds to ye fine! But Jeremy can play for twa when the fit is on him. Ye never heard Jeremy. He has a fiddle that is a real--Jeremy forgets the name--but it's real something awesome grand. And that's a deal mair than maist braw folk can say o' their fiddles. For they are maistly made i' the Gressmarket o' Edinbory! There's a melodeon, though, wi' silver keys, that's better still. But Hobby winna gie Jeremy the siller to buy it. It's in Lithgow's window at Langtoon, and some day it will be Jeremy's ain. Maybe afore ye think. Then he will come and play ye the bonnie music. Ye can dance, Elsie? Eh, that's weel. Jeremy canna dance, but he can play the bonnie music to dance till, and it's the finest sicht in the world to see a f
