Isang linggo matapos ang party, hindi na naging tahimik ang mundo ko. Kaliwa't kanan ang mga taong tumitingin at kumukuha ng litrato ko sa tuwing lalakad ako. Siguro marahil ay ito ang kapalit kapag naging nobyo mo ang lalaking iyon.
"Dahan-dahan, Summer." Bilin ko sa bunso habang bumababa ito ng kotse sa bagong bahay na ibinigay sa amin ni Mr. Perell.
Sa totoo lang, ayoko sanang tanggapin ito. Ang kaso lang ay naisip kong tama ang sinabi ni Mr. Perell. Masyado nang delikado kung sa bahay pa kami uuwi matapos nang nangyari sa amin.
"Wow. Ang ganda ng bahay natin, ate!" Hindi makapaniwalang saad ni Summer. Nakangiti akong tumango sa kanya. Isang simpleng bungalow house ang pinili ko sa lahat ng mga engrandeng bahay na ibinibigay ni Mr. Perell. Bukod sa wala kaming kakayahan na magbayad n
