Nahiga muli siya sa kama at pumikit habang hinihintay ang pagdating ng pagkain na take-out na in-order ni Byron, saka na lamang uli siya matutulog 'pag may laman na ang tiyan niya. Uuwi rin siya at doon ipagpapatuloy ang pagtulog bago sunduin ang anak sa bahay kanyang magulang. Nang tawagin siya ng binata ay lumabas siya ng kuwarto kung saan sila nagpapahinga, naupo agad siya sa silya. "Salamat!" turan niya at agad nilantakan ang pagkain.
"'Yan ang pinaka-ayaw ko sa'yo, Mallou. Your not eating in time," nakasimangot na hayag nito.
"Hindi pa naman ako gutom kaninang dumating si Z," sagot niya ng malunok ang nasa bibig.
Umupo ito sa katapat niya at itinulak sa harap niya ang tubig na binuksan nito. "Maraming salamat," saad niya. Kung ganito lang kalambing si Ashton ay baka natunaw na siy
