NANG gabing iyon, hindi dinalaw ng antok si Allyson. No surprise. Nakahiga lang siya sa kama ng master bedroom, nakatitig sa kisame, habang nakikinig sa mga tunog ng gabi sa probinsya.
Kuliglig. Tahol ng aso sa malayo. Ang ihip ng hangin.
Inisip niya ang lahat.
Buhay si Dark. Babalik na siya bukas. Haharapin ang kaniyang pamilya, ang buong bayan, at ang mga kahihinatnan na hindi niya lubos na mahulaan.
At siya naman—ano ba ang papel niya sa lahat ng ito? Siya ang nakahanap dito. Ang humiling na bumalik ito. Ang nagsabi rito na tawagan ang kaniyang ina.
Pero hindi siya ang tagapag-alaga nito. Hindi siya ang responsable sa mga desisyon nito o sa magiging epekto ng mga iyon.
Siya ay si—Allyson lang. Ang nagmahal dito. Ang nasaktan nito. Ang nakahanap ditong buhay matapos ang isang
