DAHIL hindi pa rin nawawala ang inis ni Xena kay Zev ay hindi pa rin niya ito masyadong kinakausap. Tahimik lang silang kumakain ng umagahan doon sa villa nito sa Isla Chavez at kasama nila ang Mama nito. Gusto kasi nitong kumain muna sila ng breakfast bago sila umalis pabalik ng Davao City.
Simple lang ang hapag na iyon— fried rice, fried egg, hotdog, danggit at mayroon ding bread. Dahil hindi naman siya mahilig sa rice ay mas pinili niya ang bread at hotdog for her breakfast at may ka-partner iyon na hot chocolate.
Patapos na sila kumain nang biglang tumunog ang cellphone ng Mama ni Zev, at napatingin muna ito sa kanilang dalawa ng binata bago nito iyon sinagot.
“Yes, hello?” Bakas ang pagtataka sa mukha ng Mama ni Zev nang sagutin ang tawag na ‘yon. “Okay, na-gets ko,” napapatangong
