الفصل الخامس

2259 Words

نور بصدمه:بت.. ايه مالك: بحبك يانور عينى انتى نور بعدم تصديق: انا مش قادره اصدق اللى بسمعو ده... طب وشيرين مالك: لا شيرين ايه انا استحاله ارتبط بيها اصلا ولا فكرت خالص فيها انا بعشقك انتى وبس ومفيش حد غيرك يانور حياتى انتى فى قلبي نور وبدات الدموع تتجمع فى عينها مره اخر:يعنى انت متاكد انك متسرعتش فى حبي ده مالك بحب:تؤتؤ مش عايز دموع خالص عشان اعرف اشوف عينك الحلوه دى كويس وانا متسرعتش ولا حاجه ده انا اتاخرت كمان سرحو فى عيون بعض وفضلو يقربو من بعض لدرجه انه قرب يطبع شفايفه على شفايفها لحد ما فون نور رن... نور:عن اذنك هروح ارد على الفون مالك فى عقلو:يعنى ده وقتو مالك:ماشي نور:الو ايه ياقمر قمر:ايه يا نور فينك روحت المستشفى ليكى ملقتكيش نور بفرحه:لما اشوفك هبقاا اقولك انا جايه ماشي قمر:اكيد في حاجه بدال بتتكلمى بالطريقه دى انا عرفاكى نور:حبيبى اللى حافظنى يلا سلام بقاا قولت لما اشوفك قمر:سلام يانور اغلقت نور الخط وفضلت نور تفكر شويه مع نفسها... نور فى عقلها:ايه اللى كان هيحصل ده هو انا ع**طه لا انا كده هضعف يارب قوينى عليه لحد ما يبقاا حلالى يارب.... حتى قاطع صوت تفكيرها صوت مالك.... مالك بخبث:نور مش يلا بقاا ولا ايه عشان لو قاعدنا اكتر من كده انا مش مسؤول عن اللى هيحصل بقاا نور بقلق:مانا بقول كده بردو يلا بينا ركبو العربيه فضلو يتبادلو نظرات الحب بينهم فى **ت لحد ما وصلو للمستشفى تانى قبل ما نور متنزل من العربيه اوقفها صوت مالك... مالك:نور استنى نور:نعم مالك:انا اعترفتلك باللى جوه قلبي وقولتلك بحبك مش المفروض الكلمه دى يترد عليها بحاجه صح زاى ما بيجى فى الافلام نور بخجل:اه صح بيترد عليها اظن بيقولو امممم هما بيقولو حاجه بس انا عن نفسي بقول كلو بالحلال بيبقاا احلى ولا ايه مالك: طب مفيش تصبيره حتى نور: تؤتؤ مالك بتحدى: ماشي ياست نور كلها شهرين عقبال ما الاوضاع تهدى شويه عندكم و وقتها مش هتقدرى تتكلمى نور: حتى بعد الشهرين مش هتكلم ولا اقول حاجه يلا بقاا انا داخله المستشفى اروح اشوف بدر مالك: ماشي ياستى هنشوف بس استنى هركن العربيه واجى ندخل سوى نور: اوك راح ركن العربيه وجه دخلو سوي وكل المستشفى شافتهم مع بعض غير نظرتهم لبعض كل ده تحت نظرات شيرين اللى هتموت من الغيظ وهى واقفه بتبص عليهم من الدور التانى للمستشفى وقررت انها لازم توقف نور عند حدها بينما فى بيت نور كانت جالسه على سريرها تبكى عندما تذكرت والدها حتى رن هاتفها برقم مجهول... نادين بصوت مليان حزن: الو مين معايا عز: نادين انتى كونت بتعيطى نادين بصدمه: انت عرفت اسمى منين وعرفت منين انى بعيط ومين انت اصلا عز: اخص عليكى نسيتى صوتى بالسهوله دى ده انا قولت هتعرفينى من اول متسمعى صوتى المهم بس قومى يلا من على السرير اغسلى وشك كده بدال مهو وشك دلوقتى قلب على قفص طماطم حمرا نادين ابتسمت رغماً عنها: عايز ايه ياعز عز: يخرابي هو انا اسمى حلو كده ونبي لتقوليه تانى بس ازاى مسالتيش انا جبت رقمك منين وازاى نادين: انت نسيت انك ظابط ولا ايه يعنى رقمى ده ابسط حاجه ممكن تجبها ولا ايه ياحضرت الظابط عز: حضرت ظابط ايه بقاا ده انتى غلبتينى بالكلام ده انا كونت محضر كلام قد كده بس ضاع اول ما سمعت صوتك الله يخربيتو نادين طلعت منهاا ضحكه غصبن عنها صوتها سحرت عز... عز بخبث: لا كده بوليس الاداب هيقفشنا تلبس بلا محال نادين: لا وعلى ايه سلام احسن ياعم يلا عايز حاجه عز: اه عاوز سجلى بقاا الرقم عندك لو عوزتى حاجه او حبيتى تتكلمى مع حد انا موجود تمام وعايزك تقومى تشوفى مذاكرتك بقاا اوعى تنسي حلمك يا استاذه نادين وخلى بالك من نفسك نادين: حاضر وشكراً على وقفتك جنبي عز: لا شكر على واجب ياقلبي نادين: نعم يا ايه عز: ياصحبي انا بقول ياصحبي نادين: اه يمكن انا سمعت غلط يلا سلام عز: سلام اغلقو الخط وقررت ان تنهض من على السرير لتصلى ما فاتها واستعدت للخروج لتذهب الى نور للاطمئنان عليها حتى وصلت الى الغرفه وجدت نور جالسه مع قمر ويتحدثون.. نادين: سلام عليكم نور وقمر: وعليكم السلام نادين: اخباركم ايه يابنات نور وقمر: الحمدلله نادين: يدوم الحمد يارب قولولى كونتو بتتكلمو فى ايه نور: هقولك بس قوليلى الاول ماما فين نادين: راحت المقابر قالت هتقراء على بابا شويه وبعد كده هتروح نور: تمام بصي بقاا اللى اقولوهلك ده هيفضل بينى وبينك تمام نادين: اوك واحنا من امتا اصلا بيكون بينا حاجه حد تالت بيعرفها نور: ماشي بصى... وحكت ليها نور كل اللى حصل معاها نادين: هو محترم وكل حاجه بس.. نور: بس ايه نادين: اولا انتى لو وافقتى ترتبطى بيه دلوقت قبل الخطوبه كده دى اسمها علاقه غير شرعيه يعنى ربنا هيكون مش راضي عنها واكيد انتى مش عايزه تزعلى ربنا منك صح وثانيا بقااا الزفته اللى اسمها شيرين دى اللى حكتيلى عنها قبل كده اكيد مش هتسيبك فى حالك بدال هى بتحبو زاى ما بتقولى هتعملى ايه بقاا معاها يا ناصحه نور بتفكير: هو كلامك صح بس انا بحبو ومش عايزه اضيعو انما بالنسبه لشيرين دى انا هتصرف معاها لانى اصلا عايزه اكلمها فى حاجه كده بردو قمر: نور كلام اختك صح انا كصحبتك مش هوافق انك تدخلى علاقه غير شرعيه وبدال هو بيحبك بجد استنى لحد ما يجى يتقدملك فعلا طعم الحلال احلى بكتير واسالينى انا نور: خلاص سبونى احسبها مع نفسي كده واشوف هوصل لايه خرجو نادين وقمر ليحضرو الغداء لهم جميعا وبعد خروجهم فورا دخلت عليها شيرين الغرفه واغلقت خلفها الباب بغضب نور بغضب: انتى ازاى تدخلى كده من غير متخبطى ولا تستأذنى حتى هما اهلك معلمكيش حتى اداب الدخول شيرين بعصبيه: بصي يابت انتى يتبعدى عن مالك يالا تترحمى على مامتك وعيلتك كلها انتى سامعه نور ببردو: هو مالك مقالكيش اخص عليه بجد شيرين: قالى ايه نور: مقالكيش انو لغى خطوبتو منك وهيجى يخطوبنى بعد شهرين شيرين بصدمه: ايه... اكيد انتى كدابه مستحيل مالك يعمل فيا كده نور:ليه يكونش مالك وعدك بحاجه وانا معرفش انتى اللى عشمتى نفسك بحاجات مش حقيقيه يا شيرين اظاهر كده ان مامتك نسيت تعلمك حاجات كتير فى الحياه دى شيرين وبدات الدموع تنزل من عيونها:عندك حق يمكن لوكانت عايشه مكونتش هحس بالوحده دى ومكونتش وصلت للمرحله دى فى حياتى نور:ايه هى مامتك ميته شيرين وهى تجلس على سرير نور وتبكى بشده:اه نور:طب اهدى طيب انا اسفه والله مكونتش اعرف طب احكيلى طيب ايه اللى حصل معاكى وانتى صغيره وهى ميته من امتا شيرين بدموع:احكيلك عشان تشمتى فيا صح نور:ابدا والله انا عارفه ان علاقتنا ببعض مش كويسه خالص بس ايه رايك نبتدى من الاول ونبقاا صحاب ايه رايك جربينى مش هتندمى شيرين:انا عمرى ما كان ليا صحاب غير مالك نور:طيب وانا بعرض عليك اهو وبقولك ايه رايك نبقاا صحاب شيرين بابتسامه:موافقه نور:اهلا بيك احكيلى بقاا ايه اللى وصلك لحد كده شيرين:حاضر بصي انا مامتى ماتت وانا عندي ٤ سنين ماتت وهى حضنانى من وقتها وانا مش لاقيه حضن زاى حضنها تانى المهم مكانش عندى اخوات انسي همومى معاهم وبابا كان فاكر ان وجودو فى حياتى فلوس وبس وهو ميعرفش ان فى حاجات كتيره محتاجها اكتر من الفلوس دخلت الجامعه واكتشفت ان كل اللى بيقربو بيقربو عشان فلوسى وبس مش عشانى الوحيد اللى كان قريب مني او فكرتو قريب هو مالك عشان كده اتعلقت بيه وحبيتو وبقيت بخاف لو حد قرب منو بخاف لياخدو منى ورجع تانى وحيده انا مش عايزه اعيش واموت وحيده يانور انا عايزه اعيش مع ناس بتحبنى عشانى انا مش عشان فلوسي اعمل ايه .. نور بدون كلام اخدتها فى حضنها وخلتها تعيط فيه وشيرين حاست براحه كبيره فى حضنها اول مره تحكى لحد عن حياتها حتى اخرجتها نور من حضنها وبصتلها فى عينيها... نور: انا جنبك ومش هسيبك ابدا انتى مش غلطانه انتى مشكلتك انك ملقتيش اللى يفهمك لحد دلوقت بس انا فهمتك وحاسه بيك والله وهساعدك انك تطلعى من الطريق اللى انتى فيه ده واخليكى واحده الكل يتمنى يكلمك عشانك مش عشان حاجه تانيه حضنتها شيرين مره تانيه: نور انتى بجد انسانه جميله اووى وتستاهلى كل خير وبجد مالك يستاهلك انتو الاتنين مناسبين لبعض جدا ربنا يسعدكم يارب نور: يارب بس انا مش هرتبط بيه غير لما يجيلى رسمى عشان تبقاا علاقه شرعيه ربنا راضي عنها وبالنسبه ليكى انتى بقاا لازم ننزل نشترى لبس وحاجات ليكى وتتعلمى عن دينك اكتر واكتر اتفقنا شيرين بابتسامه: اتفقنا كل هذا الحوار وهو كان مستمع له فى خارج الغرفه وابتسم لجمال قلب شيرين وتحمسها للتعرف على دينها بشكل صحيح حتى قرر ان يدخل لهم...... كل هذا الحوار وهو كان مستمع له فى خارج الغرفه وابتسم لجمال قلب شيرين وتحمسها للتعرف على دينها بشكل صحيح حتى قرر ان يدخل لهم خبط على الباب ودخل... بدر: السلام عليكم نور: وعليكم السلام شيرين: هاي نور بصت لشيرين وهمست ليها وقالت: اسمها وعليكم السلام مش هاي شيرين بابتسامه:ماشي يا ستى وعليكم السلام بدر: الله الله لا ده احنا بقينا عال العال دلوقت نور: الحمدلله كل ده بفضل ربنا ثم الدكتور مالك دخل مالك فجأه: ايوه حد بينادى بدر: ايه ده هو جبنا سيرة القط طلع ينط ولا ايه ضحكت نور وشيرين على جملة بدر.. نور: اظن كده يادكتور اقدر اخرج بقاا من المستشفى مالك: اكيد بدال صحتك النفسيه دلوقتى تمام تقدرى تخرجى فى اى وقت بس انا نفسي تقعدى كمان كام يوم عشان نتاكد ان صحتك بقت تمام التمام نور وهى بتكتم ضحكتها: لا انا حاسه نفسي تمام التمام يادكتور ومش محتاجه اقعد هنا اكتر من كده مالك بحزن: تمام برحتك بعد اذنك يا دكتور بدر ممكن تخلص اجراءات خروجها تحت وتمشي معاك بدر: تمام انا هروح اعمل كده فعلا يلا سلام شيرين:طيب يانور انا هروح عند بابا شويه عقبال ماتيجى تمشي واجى اوصلك البيت تمام ياقلبي نور بابتسامه: حياتى مش عايزه اتعبك معايا شيرين: ولا تعب ولا حاجه يلا سلام باى يامالك نور ومالك: باى اول مخرجت شيرين من الاوضه قعد مالك على الكرسي اللى فى وش نور وبص عليها باستغراب... نور: بتبص كده ليه مالك: غريبه نور وشيرين مع بعض لا وكانو مسكين ايد بعض كمان و يامه لسه هنشوف نور بضحك:مالك انت قلبت على ستى كده ليه وبعدين ايه الغريب هى طلعت بنت ظريفه جداً و قلبها جميل اووى كمان هى بس مشكلتها انها ملقيتش اللى يوجها للطريق الصحيح من صغرها بس مش اكتر مالك:بس ازاى قبلتى تصحبيها وهى كانت عيزانى ليها هى وبس نور: بص هى كانت معذوره لان اللى شافتو مش شويه بس اصبر بس وانت هتشوف شيرين دى حاجه تانيه خالص اصبر بس انت مالك: ماشي ياست نور ربنا معاكى ويقدرك على فعل الخير كده دايما يارب بس قوليلى مش عايزه تعملى خير وتتصدقى عليا بكلمه كده نور بجديه: اه فكرتنى... مالك انا مش هقدر ادخل معاك فى علاقه مش رسميه مالك: مانا قولتلك يانور انى هتقدملك بعد شهرين وانا عند وعدى نور: وانا واثقه فيك لان قلبي اللى حبك استحاله يكذبك بس انا متربيه على كده دينى معلمنى كده ان العلاقه اللى ربنا مش محلالها تبقاا حرام انت عايزنى ازعل ربنا مننا احنا الاتنين عشان كده انا اخدت قرار انك هتفضل فى تعامل الاخوه مش اكتر لحد ما تحصل الخطوبه اتفقنا مالك بحزن: انا مش عارف افرح ان ربنا ادانى واحده محترمه مش عايزه تغضبو ولا ازعل انك هتبعدى عنى شهرين كاملين وكمان انتى بتقولى قرارتى يعنى مش مستنيه كلامى شكراً يانور وتركها مالك وغادر الغرفه حاولت تنادى عليه بس هو موقفش نور فى عقلها: يارب انا سبت امنيتى ليك يارب لانى مش عايزه اخدها فى الحرام صبرنى يارب لحد ما اخدها فى الحلال .. وعدت الايام وعدا بدل الشهر تلاته ونور متعرفش حاجه عن مالك ولا مالك يعرف حاجه عن نور بس نور مستنيه انو يوفى بواعدو ويجى يتقدملها وتدخل الفرحه قلبها من تانى وشيرين اتغيرت ١٨٠درجه اصبحت محجبه وبتروح ندوات عن الاسلام واصبحت مسلمه بافعالها وادابها واصبحت مقربه من نور لدرجة كبير وابتعدت عن المعصي واقتربت من طاعة الله اما نادين فخلصت امتحانات ومستنيه النتيجه وأيضاً قمر ونور وعز اتكلم مع بدر عشان يجى يتقدم لنادين لانو بيحبها ومش قادر يعيش من غيرها ونادين رافضه تدخل فى علاقه غير شرعيه معاه فتقدم عشان يثبت حبو ليها واللى شغلين فى المستشفى بدأو يشكو فى الامور التى تدور بين والد مالك ودكتور ياسر والد شيرين وبدر بيحاول يعرف في ايه بينهم لحد ما جه يوم ما عز جاى عشان يتقدم رسمى لنادين البيت كلو كان مقلوب وبيتنضف من فوق لتحت نور كانت لبسه عبايه وربطها على وسطها وربطه شال على شعرها كانت شبه ست البيت الاصيله اللى مخلفه عشر عيال وارمله ومش عارفه توكلهم منين.. نور: ياماما ماما خلاص انا تعبت هما هيباتو عندنا عشان كل ده دا هما ساعتين بظبط امل: نضفي يابت وبلاش طولت ل**ن يلا انجزى وامسكى فرشة السنان القديمه دى واعملى بيها الفواصل اللى بين السراميك بتاع الحمام نور: ماما انتى بتهزرى صح هو انتى جيبانى من سوق عكاظ للعبيد يعنى مش معامله دى بصراحه امل: انتى كمان هتردى عليا يابت انتى طيب قامت خلعه الشبشب ابو ورده (طبعا كلنا عرفينو) وقنصت بعنيها على نور حتى لبست الفرده فى قفاها نور: ااااااااه ايه ده بدال مانتى حلوه كده فى التنشيل مدخلتيش ليه الاولمبيات دى كونتى طلعتى بمداليه ذهبيه لمصر والله امل: اظاهر كده ان فرده واحده مش كفايه لازم الفردتين يصبحو عليكى يعنى نور: لالالا وعلى ايه فين الفرشه امل: عندك فى الحمام نور بصوت واطى: ربنا على الظالم والمفترى ياشيخه امل:بتقولى حاجه نور بتريق:بقول بفكر اشيل السراميك انضف تحتو واحطو تانى امل:بتتريقى يابنت الوس** طب وحيات ابوكى لانتى واخده الفرده التانيه خلعت الفرده التانيه وحدفتها فى رجلها خلتها تقع على الاض حتى خرجت من اوضتها.. نادين:فى ايه يارجال ايه الزلزال اللى حصل ده من شويه نور بغيظ:اه مانتى عايشه فيها دور العروسه اووى وسيبه اختك فى معركه ابي قير البحريه دى لوحدها نادين بضحك على شكلها:ياستى انهارده بتتعبيلى بكرا اتعبلك ياختى...وغمزة ليها نور بحزن:لا ده اظاهر كان حب لمجرد وقت صغير تسليه يعنى متشغليش بالك انتى اهم حاجه ان عز طلع بيحبك بجد واديه اهو جاي يتقدملك نادين بعد ما حست بحزن اختها: ان شاء الله هيجى وبكرا تقولى نونه قالت وبعدين بس بقاا انهارده مفيش حزن انهارده عايزين نفرح وبس ابتسمت نور لاختها وكانت هتحضنها لولا جرس الباب اللى رن ده.... امل: بت يانور تعالى شوفى مين بيرن الجرس نور: قطعو نور على سنينها حاااضر جايه اهووو لتذهب نور لتفتح باب الشقه لتقف مصدومه من الذى رأته .....

Free reading for new users

Scan code to download app

App Store Google Play

Facebookexpand_more