Ilang oras ng nasa operating room si Norbert. Nabigyan na rin ng first aid ang mga sugat nya. Sinabi rin ng OB na malakas pa rin ang kapit ng kambal sa tyan nya. Hindi nga rin makapanila ang OB na galing sya sa isang car accident at hindi man lang naapektuhan ang dinadala nya.
Nagtungo si Margareth operating room. Nasa labas sya, nakaupo sa sahig at mahinang umiiyak. Wala syang kasama ngayon. Shock pa rin si Meridethsa mga nangyari lalo na sa mommy nila. Ang daddy naman nya ay mamaya pa darating.
Napapikit sya ng mariin. Isa-isang nahuhulog ang mga luha sa mata nya. Hindi nya magawang magalit o kamuhian ang kinikilala nyang mommy dahil ang nasa isip nya ngayon ay si Norbert. Gusto man nyang pumasok sa loob ng operating room para hawakan at tignan ang kalagayan ni Norbert ay hindi maari.
