Hindi ako magkanda ugaga kung ano'ng unang gagawin ko. Aayusin ko ba muna ‘yong kama ko, o maliligo na?
"Sarah naman kasi, eh! Nag-alarm ka na nga, male-late ka pa ng gising!” Natatarantang sabi ko sa sarili habang ginugulo ‘yong buhok ko.
Maliligo pa ba ako, o mag-hihilamos na lang? Ugh! Ang hirap ng ganito! Ang aga pa naman nang first subject ko ngayon at nag-iisang klase na papasukan ko ngayong umaga! Nag-alarm na kasi ako ng 5:30, wala pa ding kwenta! Kainis! Bahala na nga!
Pumunta ako sa closet ko at kumuha nang damit na susuotin. Inilapag ko sila sa kama ko na mukhang binagyo. Kinuha ko muna ‘yong towel na nakasabit sa handle nang cabinet at pumasok na sa banyo.
Mabilisan lang ang ginawa kong pagligo dahil oras na nga. Last kong tiningnan ang oras ay 6:24am na. Magba-byahe pa ako
