طگ الـتفگ واندار وجهـي اعله اخوتي
بس هما الـيعرفـون من يعلـه صوتـي!
ترفه
ضل بالي شبي حر ليش هيج يحجي بس التعب. اخذني ونمت كعدت الصبح من وكت سويت اني وامي ريوك للكل
وبيبي فدوه الگلبه بس تتغزل بيه وتضحك
خطيه مكيفه بكوني خطيبه حر. متدري اني وياه مثل الفاره والبزون
وراها حضرت صينه العرسان ونزلت ست الحسن. ههههه خطيبه اخويه الغالي للامانه هيه جميله باحتراف. بس مصيبه. طباعه. مغطيه عله جماله
بس بيبي كلش تحبه
وهيه اول ماكعدت. راحت باسته وتكوله
غضب
طبعا من اول ماكعدت مزاجي مضروب وماشفتلي شي يعدله بس هسه شفت الشيخه ثريه. اووووف ربي تعدل المزاج وابوه
ام شهم
ليش حبيتي شنو عمتج شوفته متعدل المزاج
غضب
لا عمه انتي. هم حالج حال بيبي بس مو انتي. مكاسره يعني مو كلش تعدلين المزاج
ام شهم
يااااا ولج شنو مكاسره
غضب
هههههههه هو غير انتي مرة الشيخ عساااف لا وام لهل مصايب الخ
