Malamig ang paligid nang mga sandaling iyon. Kumagat na kasi ang dilim at tila lumalim ang tulog ni Melissa na dapat sana ay idlip lamang. Bahagya siyang napadilat mula sa kanyang pagkakatulog.
“Teka, bakit nga ba madilim ang paligid?”, pagtataka nito habang pinipilit imulat ang kaniyang mga mata.
'Nasaan kaya sila?'
Tanong nito sa kaniyang sarili nang tuluyang magising at walang makitang ni anuman sa kanyang pagdilat. Kinapa niya ang paligid ng kama upang maalalayan ang sarili sa pagbaba dito. Naupo muna siya nang mahanap ang tamang puwesto ng sahig at kinapa ng kaniyang mga paa ang kinalalagyan ng kanyang pambahay na tsinelas. Malamig kasi ang paligid at ang ginaw na ito ang gumising sa kaniya. Malamig din ang sahig ng mga sandaling iyon, kaya hindi niya hinayaang lumabas n
