Ilang yabag ng paa ang kanilang naririnig sa labas ng kwarto na tila paikot ikot sa may dining area. Sa mga sandaling iyon, tinanggap na nila ang maaring susunod na mangyayari.
Maya-maya pa, isang malakas na tunog ang lalo pang gumulat sa kanila. Lahat sila napalunok at napalundagnang marinig ito. Si Angelica naman ay hindi napigil ang pagsigaw. Buti na lang at maagap na natakpan ni Chloe ang kanyang bibig.
"BEEEEEEEP!!!"
Tunog ito ng busina ng sasakyan ng mama at papa nila Angelica. Bumusina ito para ipabukas ang gate ng bahay.
Sandali silang nagkatinginan na tila pinoproseso pa sa kanilang utak ang narinig na busina.
"BEEEEEEEP!!!"
Nahimasmasan lang sila nang muling bumusina ang sasakyan. Dito sila nakabalik sa kanilang sarili matapos ang tila bangungot na naranasan nila ilang
