أكواريل

البارت الاول

_ صباح الخير يا سارة ..

= اهلا يا ادم صباح النور ..

_ مالك بس منكده علي الصبح ، انتي مبتزهقيش من النكد كل يوم .. مي و مروان عاملين ايه ..

= مهو مش معقول انا مبانمش كل يوم بي سبب ان البيت ضيق و العيال بيبقوا نايمين معانا على السرير ، و ما بالاقيش حته انام فيها و بافضل صاحيه طول الليل .. انا قلت لك و باقول لك ثاني اهو انت لازم تشوف بيت واسع في اسرع وقت ممكن ..

ادم : خلاص يا ساره من النهارده هبدأ ادور علي بيت واسع ان شاء الله ، بس يارب الاقي لأن الفلوس الي معايا يادوب تجيب شقه زي الي احنا قاعدين فيها دي ..

( عائلة سارة و ادم هما اسرة بسيطه اتجوزوا عن حب ، و ربنا رزقهم ب مي و مروان توأم عندهم ٤ سنين ادم بيشتغل في شركه محاسب و سارة مدرسه و هما الاتنين بيصرفوا و يساعدوا في مصاريف البيت )

دا كلام ادم بعد جدال مع سارة حضرتله الفطار و اخد الولاد يوديهم لي المدرسه ، و نزل علي شغله و هو باين عليه الحيره و الشقاء .. اول ما وصل الشغل قابل هناك محمد صديقه العزيز الي بيعرفه من وقت طويل ، و مش بيخبي حاجه عنه خالص ..

- محمد : صباح الخير يا ادم شكلك مش عاجبني النهارده من اول ما دخلت و انت شكلك متضايق .

= ادم : اقول لك ايه بس يا محمد ، و الله كل يوم ساره بقت تعمل معي مشكله بسبب موضوع الشقه اللي انا قلت لك عليه ده ، فعلا هي عندها حق الشقه ضيقه و هي ما بتعرفش تقعد خالص و لا تنام ، و بعدين موضوع الدروس اللي هي بتديها في البيت ده ، خلى البيت بقى مبهدل على الاخر ، و الاولاد مش واخذين راحتهم كمان ، و لا انا كمان يا محمد .

- محمد : طيب ما تدور على شقه يكون سعرها كويس ، و في نفس الوقت تكون اوسع شويه عن الشقه بتاعتك .

= ادم : ما هو ده اللي انا بافكر فيه يا محمد ، بس يا ترى بقى هنلاقي شقه بي السعر ده ، و تكون كبيره و كويسه و في نفس الوقت مكان كويس و قريب من الشغل .... ما اعتقدش يعني يا محمد .

- محمد : اكيد مش هتاخذ كل حاجه يعني يا ادم ، بس ان شاء الله هتلاقي شقه كويسه انت طيب يا ادم و تستاهل كل خير .

= ادم : طيب اسكت بقى عشان المدير وصل ، و احنا مش عاوزين كلام و هيجي مثل العاده و يقول لنا انتم قاعدين تتكلموا في الشغل ، و انا مش ناقص جدال معه

( اسعد بيكون هو المدير بتاعهم هو صعب جدا على طول حاطط ادم في دماغه و بيتعمد يعمل له المشاكل ، لكن ادم ماشي جنب الحيط عشان يقدر يربي الاولاد و يصرف على البيت ، لانه مستني له اي غلطه عشان يمشيه من الشغل )

= اسعد : صباح الخير يا ادم .

- ادم : صباح الخير يا استاذ اسعد .

= اسعد : انت وصلت النهارده الساعه كم يا ادم .

- ادم : وصلت في ميعادي .

= اسعد: لا ما وصلتش في ميعادك انت واصل بعد ميعادك بي عشر دقائق ، تقدر تقول لي ليه كل التاخير ده ؟

- ادم : معلش يا استاذ اسعد ، هي المواصلات كانت زحمه شويه ، و هو ده اللي وصلني متاخر و كنت باوصل اولادي على المدرسه .

= اسعد : طب بعد اذنك بعد كده يبقى انزل بدري عشان الشغل هنا ما ينفعش حد يتاخر خالص ، و دي تعليمات جايه لنا من رئيس الشركه .

- ادم : ماشي يا استاذ اسعد اعذرني النهارده ، و ان شاء الله بعد كده مش هتتكرر ، و مش هتاخر ثاني .

= اسعد : ماشي .

( ادم كان قاعد بيخلص الشغل بتاعه ، و ساره كانت قاعده عماله بتنظف البيت قبل ما الاولاد يجوا من المدرسه .... عشان تلحق تعمل الاكل و هي قاعده تليفونها رن ، كانتالمتصله هي اختها سما كانت بتكلمها )

** اختها سما في اخر سنه في كليه الهندسه ، و لسه مش مرتبطه و لا مخطوبه ، لكن بتحب ساره جدا و كل يوم تتصل عشان تتطمن عليها .

- سما : صباح الخير يا ساره ، عامله ايه طمئنيني عليك يا حبيبتي .

= ساره : صباح النور انتي عامله ايه ، مش قلت لي هتيجي تقعدي معايا النهارده .

- سما : معلش و الله ، تصدقي انا نسيت خالص اني عندي محاضره مهمه ، و كان لازم اروح الجامعه النهارده عشان احضرها .

= ساره : ماشي يا سما خلصي طيب و تعالي اقعدي معايا شويه ، عشان انا زهقانه قوي و محتاجه اتكلم معاكي .

- سما : ماشي يا حبيبتي ما تقلقيش .

( قفلت ساره مع سما التليفون ، و قعدت تجهز الاكل و البيت و بعد كده نقالها الاولاد اللي بتديهم دروس ، و كانت في انتظار ادم )

* و هي قاعده على التليفون ، و قبل ما الاولاد يوصلوا لقت اعلان على شقه على موقع من مواقع التواصل الاجتماعي ، و تفاجئت ان السعر كويس جدا و الشقه قريبه منهم ..... في الحال اتصلت بي ادم .

ساره قالت له : انا لقيت شقه حلوه جدا تعالى نروح نشوفها .

- ادم : بي السرعه دي يا ساره لقيتيها فين ؟

= ساره : ربنا حطها قدامي كده ، كنت قاعده بقلب في التليفون ، و لقيت الشقه بتاعه واحده بتبيعها عشان تسافر ، و الشقه فيها كل المواصفات اللي احنا عاوزينها ما فيش اي حاجه زياده ، انا شايفه ان الشقه دي مناسبه جدا و حتي سعرها .... الغريب ان سعرها حلو جدا ، انا استغربت انها كويسه كده ، ازاي حتى السعر ده في شقه زي دي .

- ادم : يعني السعر مناسب للفلوس اللي معايا يا ساره ؟

= ساره : ايوه مناسب جدا للفلوس اللي معك لما تيجي من الشغل النهارده نروح نشوفها ان شاء الله ، لان الشقه دي لو قعدت اكثر من كده ، انا متاكده انها هتتباع على طول .

- ادم : خلاص نروح نشوفها يا ساره ، اهم حاجه عندي ان انتي تبقي مبسوطه و سعيده ، و اتمني ان الشقه تعجبك يا ساره .

( بعد يوم طويل من الشغل ، ادم مروح على البيت و ما نامش و لا ارتاح زي كل يوم ، لكن طلب من ساره انهم يروحوا يتف*جوا على الشقه الاول ، و بعد كده لما يروح يبقى يرتاح ، وصلوا على المكان اللي كان بعد بيتهم بي حوالي نصف ساعه تقريبا ، و قريب اكثر لي شغله )

= ادم : تصدقي يا ساره ، لو اخذنا الشقه دي هيبقى ميزه كبيره جدا بي النسبه ليا ، بس يا رب يوفقوا الاول ، و ما تكونش اتباعت و لا اي حاجه .

- ساره : ما تقلقش انا كلمت الست ،و هي اكدت عليا ان احنا اول ناس نيجي نتف*ج عليها ، و هي قالت لي ماشي و بعدين دي شكلها ست محترمه جدا يا ادم .

= ادم : يا رب بس يكون الكلام دا حقيقي ، و الشقه حلوه فعلا زي ما مكتوب في الاعلانات .

* وصلوا على المكان و ساره كلمت استاذه هاله صاحبه الشقه .

= ساره : مساء الخير يا استاذ هاله ، احنا جئنا على حسب الميعاد ، زي ما اتفقنا معكي .

- هاله : انا مستنياكي في الشقه من ساعتها ، و ناس كثير طلبوا انهم يشوفوها لكن انا رفضت ، و قلت لهم ان في ناس خلاص هم اللي هياخذوها ، بناء على كلامك معايا .

= ساره : ايوه فعلا ان شاء الله هناخذها .

( وصلوا على الشقه و قعدوا يتف*جوا عليها كانوا منبهرين ان الشقه ازاي واسعه و بي السعر ده و حلوه كده )

- هاله : خلوا بالكم ان الشقه دي عزيزه عليا جدا ، و لولا اني مهاجره و مش هارجع هنا ثاني ، انا ما كنتش بعتها ابدا .

= ساره : واضح انها شقه كويسه جدا احنا كنا محتاجين فعلا شقه واسعه ، عشان خاطر الاولاد بيكبروا بي سرعه ما شاء الله و احنا شقتنا ضيقه ، و ربنا حطك في طريقنا عشان عارف ان احنا ظروفنا صعبه اليومين دول .

- هاله : طيب لو كنتم انتم فعلا جديين و عاوزين تشتروا الشقه ، انا ما عنديش اي مشكله بس نخلص الاجراءات في خلال اسبوع ، لاني بعد اسبوعين من الهجره لي اخويا في كندا ، و مش هارجع هنا ثاني فيا ريت لو انتم موافقين نخلص الموضوع ده بسرعه ، و لو انتم مش موافقين برضه قولوا لي ، عشان في ناس كثير جدا عاوزه تيجي تشوفها .

= ساره : لا اعتبرينا اخذناها خلاص ، و هندي لك فلوسك كلها باءذن الله .

- هاله : على فكره انا منزله في سعرها جدا جدا ، عشان خاطر انا قررت انهي كل حاجتي اللي هنا و اسافر ، و هي دي اخر حاجه من الحاجات بتاعتي ، انا فضلت قاعده فتره طويله في بلاد بره ، و مش باجيء هنا خالص ..... بس نزلت عشان اصفي بقيت املاكي و اسافر و ما ارجعش ثاني .

- ادم : بس ليه تقرري تسيبي بلدك و حياتك كلها و تهجري بره ، يعني البلد هنا مش هتوحشك ، و لا قريبك وكل الناس اللي هنا !

= هاله : يا استاذ انا قرايبي كلهم مهجرين بره ، و ما ليش اي احد هنا خالص ، و انا كنت عايشه هنا عشان زي ما انت بتقول كده بلدي و مش هاقدر اسيبها و امشي ، لكن قررت اني هاسافر خلاص لاني ما بقاش لي اي حاجه هنا ، حتى شغلي كله هناك و شغل جوزي برضه .

- ادم : خلاص ادينا بس يومين نجمع بقيه الفلوس كلها باءذن الله ، و هنبعثها لك على طول عشان في مبلغ بسيط جدا ناقص من الفلوس ، هتصرف فيه من اي احد و هبعثه لي حضرتك علي طول .

= هاله : انا ممكن انزل لك في السعر شويه كمان ، عشان انتم شكلكم اولاد حلال و انا ارتحت لكم بي صراحه ، طيب تمام كده هنستنى يومين و بعد كده تكون فلوسكم جاهزه ، و بعدها نمضي ال*قد على طول عشان الحق اجهز اجراءات السفر بتاعتي .

* ادم اخذ ساره و دخلوا الاوضه و قال لها : خلاص يا ساره مقتنعه بي الشقه دي ، عشان دي اخر فلوس معايا ، يعني ما فيش اي مجال لي التغيير ثاني .

= ساره : و هي دي فيها كلام يعني يا ادم ، ما انت شايف الشقه كويسه جدا ، و موقعها كويس قوي ، حتى فيها اوض اكثر من اللي احنا كنا عاوزينها كمان ، هنعوز ايه ثاني يا ادم .

- ادم : بس انا حاسس ان موضوع الشقه ده في انه مش عارف ازاي شقه زي دي تتباع بي السعر ده ؟ و صاحبتها تهاجر مره واحده ، يعني مش هنقدر نوصل لها ثاني لو حصل اي حاجه .

* بعدها خرجوا بره و استاذنوا من هاله انهم هيمشوا ، اول لما خرجوا من الشقه ، قا**هم جارهم اللي في نفس العماره في الدور اللي تحت ، وبص لهم كده و بدأ يتكلم معاهم .

الساكن قال لهم : هو انتم اللي هتسكنوا في الشقه اللي فوق دي ؟ ( و شاور بي ايده علي الشقه الي اختاروها فعلا )

= ادم : ايوه احنا ، اهلا بي حضرتك ، ان شاء الله هنبقى نتعرف علي بعض اكتر لما نسكن باءذن الله .

رد عليهم جارهم و قال لهم : اهربوا بسرعه من المكان ده .