Nakadalawang laps na si Lianne sa swimming pool na naroon sa penthouse ng bilyonaryo. Parang wala siyang kapaguran sa paglangoy. Gusto niyang libangin ang sarili para maibsan ang sama ng loob na nararamdaman niya.
Kanina pang tanghali siya dumating sa penthouse. Mabuti na lang at ibinigay sa kaniya ni Russel ang passcode niyon kaya nakapasok siya. Wala siyang ibang maiisip na puntahan kundi iyon lang.
Nag-out of town kasi si Katrina, si Issy ay may biglaang raket, samantalang si Andrea ay nalaman niya na kasama pala ni Gerard patungong Hongkong. Tumawag kasi sa kaniya ang asawa at sinabing sa Martes pa ito makakauwi dahil may biglaang business meeting. Ang mga magulang naman niya ay lumipad patungong Cebu dahil mayroon din silang maliit na negosyo roon. Nag-iwan pa ito ng message sa kan
