"Russel and I already decided to file an annulment," saad ni Mary Ann kay Lianne. "We will have a press conference this afternoon with our respective lawyers."
Kasalukuyang nanananghalian silang tatlo at gulat na gulat si Lianne sa narinig. Kay Russel niya unang nalaman iyon at hindi niya rin akalain na papayag ang asawa nitong si Mary Ann. Hindi siya makapagsalita dahil nakokonsensiya siya. Siya ang dahilan kung bakit gagawin iyon ng sikat na modelo.
"Don't worry, dear," nakangiting patuloy ni Mary Ann. Tila napansin din nito ang pagkabalisa niya. "Masaya ako kung magpapakasal agad kayo ni Russ after our annulment. I will make sure na mapapawalang-bisa agad ang kasal namin." Hinawakan nito ang kabila niyang kamay saka pinisil iyon. Wala namang imik si Russel, patuloy lang ito sa pagkain
