Kabanata 37
MIRA: WALANG imikan kami ni Shiela na umuwi ng mansion. Ito ang unang beses na nagkatampuhan kaming dalawa. Nakukuha ko naman ang punto niya. Pero hindi maatim ng kunsensya ko na walang gawin gayong alam ko ang kalagayan ng ina ni Mikael. Pagdating namin ng mansion, sa quarters nila Adam ito tumuloy na hindi ako inimikan. Napahinga ako ng malalim na napasunod ng tingin ditong halatang nagdadabog. Bagsak ang balikat ko na pumasok na rin ng mansion at tumuloy sa silid ko. Hanggang dito ay binabagabag pa rin ang loob ko. Hindi ako mapalagay na walang ginagawa para magkasama ang mag-ina. "Bahala na," usal ko na naligo at nagbihis ng casual. Muli akong lumabas sakay ang motor ni Kuya Dale na itinakas ko. Bumalik ako ng hospital namin. Aalamin ko kung nagsasabi ng totoo si mrs Raymundo.
- Writer
