"Nay, Tay, ayoko na po rito," naiiyak kong bulong isang beses na dumalaw sila.
Nag-alangan na tiningnan ako ni Nanay. "Anong ayaw mo rito, anak? Mukhang ayos naman ang trato nila sa'yo?"
"Hindi ba ay isa ito sa pangarap mo, Isabel?" dugtong pa ni Itay, may bahid ng tuwa sa tinig.
Tuluyan akong naiyak saka mabilis na umiling. “Tay, Nay, halimaw—”
Bago ko pa matapos ang mga salita, biglang bumukas ang pinto.
Si Mother Dolor — ang kanyang itim na belo’y halos lumapat sa lupa, ang mga mata’y tila walang kaluluwa.
"Iniimbitahan kayo ng Poon sa pagsasalo mamaya," mariing anunsyo niya, malamig at walang damdamin.
Bakas ang kagalakan sa mga mukha ng magulang ko.
“Nako! Isang kagalakan po ang maimbitahan Niya,” magalang na sabi ni Tatay saka yumuko.
Binalingan ako ni Mother Dolor, ang ngit
