Ilang libong taon na rin ang nakalipas nang unang magpakita ang mga Night Terror sa mundo ng mga tao. Sa panahon na iyon ay tahimik at payapa pa ang pamumuhay ng mg atao sa mundo, walang gulo ang nagaganap at ang tanging iniisip lamang ng mga tao ay kung paano nila mapapakain ang kani-kanilang mga pamilya. Hanggang sa dumating ang isang gabi na napuno ng iyak ng paghati. Marami ang namatay mula sa mahimbing na pagkakatulog, hindi na nagising pa ang mga tao kinaumagahan. Ito ang unang pag-atake ng mga Night Terror.
Hindi malaman ng mga tao noon kung ano ang nangyari. Kung bakit tila marami at sunod-sunod ang paglisan ng mga tao sa loob lamang ng isang gabi. At sa unang gabing iyon ay marami ang nasawi. Ang akala pa nga ng karamahin ay binabangungot lamang ang miyembro ng kanilang pamilya n
