“Propesiya?” halos sabay na isasagot ni Zeke at Xenon. Magkakatinginan silang dalawa ni Xenon. Pareho silang naguguluhan sa kung ano ang ibig sabihin ng Council Member na nasa kanilang harapan. At lalo pa silang nagulat nang alam nito na may realasyon silang dalawa. Paano nito nalaman ang tungkol sa pagiging magkasintahan nila? Ngunit, malaki pa rin ang pasasalamat nilang dalawa na wala itong sinabi na masama tungkol sa relasyon nilang dalawa kundi humingi pa ito ng permiso kay Xenon.
Tatango lamang ang Council Member bilang tugon sa reaksyon nilang dalawa na patanong. At isa pang Council Member na nakaupo sa bandang kanan ang magsisimulang ipaliwanag ang tungkol sa propesiya. “Katulad ni Emilio, ganoon din ang nasa isip ko. Sa tingin ko ay may kinalaman ito sa propesiya. Hindi ko lamang
