Kabanata 84
Tila na isang fashion show kami dahil sa mga nakapaligid na mata. Ang mga tao ay animo’y nakakita ng multo habang pinagmamasdan kaming maglakad ni Zairo.
Sinusundan nila kami ng tingin mula nang makapasok ng Televist Corporation. Ganito naman lagi kahit ako lang mag-isa, ngunit mas lumala nang makitang kasama ko si Zairo.
Hindi imposibleng kilala nila si Zairo lalo’t mas namamayagpag ngayon sa fashion ang Couture Apparel. Siguradong mamaya lang ay may mga article na namang magsisilabasan at rumors tungkol dito. It’s neither business or relationship issue.
“Good afternoon, Miss Arthana...” bati agad ni Rachel nang makalabas kami ng elevator.
Sinenyasan ko si Zairo na i-abot kay Rachel ang dala niyang gamit ko. Siya ang nagpresentang magdala no’n kahit na sinabi kong kaya k
