Isang buwan ang nakakaraan mula ng maitapon sa dagat si Olivia, isang balita ang gumunaw sa lahat ng pag-asa ng mga taong naghahanap sa dalaga. May nakitang bangkay na palutang lutang sa dagat ang mga mangingisda, babae ito at tila naagnas at bloated na dahil sa tubig. Hindi na makilala ang mukha nito dahil wala na sa dating porma.
Umiiyak sa harapan ng camera si Esmeralda sa isang conference. Nilalahad nito na si Olivia nga ang nakita. Ibinahagi nito kung paano sila nagdadalamhati sa kaanak na namatay.
"Tinuring na po namin siyang anak. Akala po namin nag-aaral siya sa ibang bansa at panatag na po kami. Hindi naman po namin alam na hindi ito pumunta sa ibang bansa at piniling magpakamatay." Umiiyak na sabi nito.
Dumating din sa press conference ang mag-asawang Luisito at Alicia na pare
