CANDY
Isang malalim na buntong hininga ang pinakawalan ko nang tumunog ang elevator pagdating sa ground floor ng hotel. Ilang beses akong nakatulala. Hindi ako makagalaw. Hindi makahakbang.
Nang may pumasok na tao sa elevator, doon pa lang ako gumalaw. Lumabas ako at naglakad hanggang sa lobby ng hotel.
Nagsimulang manlabo ang aking mga mata. Hanggang sa ang luha ko sa mga mata ay para ng gripo kung bumuhos. Napahikbi na din ako. Ang mga tao na dumadaan ay napapatingin sa akin, kaya nagyuko at mabigat ang mga paa na humakbang hanggang sa labas ng hotel.
Sa labas ay may nag-aabang na taxi. Nakatunganga lang ako dito. Kinakausap ako. Tinatanong kung saan ako pupunta.
Hindi ko alam kung saan ako pupunta. Wala akong maisip. Hindi din naman ako makakauwi ng Pinas, dahil wala akong mga
