first year [part-2]
1048 Words
Hamne pichle chapter me bataya tha ki mera addmission aab ho chuka tha. Mai coaching bhi kar raha tha. Do tin dost bhi ban gye the.
Mai aapne parents ke saath godda me he rehta tha. Hamare ghar aabhi jyada bara nhi the. Do choote choote room aur ek gali tha. Bagal me pepal ka 🌲 tree tha. Wahi par ek chapakal bhi tha. Hamlog wahi chapakal ka pani use karte the. Kyuki aabhi Ghar me aapna chapakal nhi lagwaye the. Abhi hamare Ghar ke agal bagal me jyada ghar nhi tha. Do char Ghar he bana tha. Lakin sunsaan muhalla hone par bhi koi dar nhi lagta tha. Hame waise bhi shor sharaba pasand nhi h. Hamare ghar ke piche ek Mahuaa ka gacch(tree) tha. Jisme gay- bakri charane wala garmi me Mahuaa ka gacch ke niche chao me baithte the. Mere ghar bhi koi ristedar ka chotta baccha atta toh wahi Mahuaa gacch (tree) ka he niche jakar khelta. Mai bhi sath me khelne chala jata tha. Hame chote bacche bahut pasand the. Mere ek chota bhai bhi hai lagbhag 13 saal ka. Ek bhi behan nhi h. Lakin hame behan ki bahut Kami mehsoos hoti hai. Kabhi sochta bhi hu ki meri bhi koi behen hoti toh mai bhi usse bahut pyar karta , ladai bhi karta. Such me yaar Ghar me behan rehne ke baad ghar khila khila sa lagta hai. Mera chota bhai nani ka Ghar me rehta tha. Padhai bhi wahi karta tha. Mai bas Ghar me rehta tha. Isiliye behen ki Kami mehsoos hota tha.
Pata nhi logo ko betiya bhoj kyu lagta hai. Ghar me kam se kam ek beti ka hona bahut jaruri hai. Maa ko bahut madad milti h beti rehne ke baad.
Yaha garmi ki chuttiya bahut kam hoti thi. Mai Durga Puja ki chutti me nani Ghar jaya karta
tha. Lagbhag 8 dino ki chuttiya milti thi. Lakin Mai toh 8 dino se adhik he rehta tha. Mere sab dost nani ghar ke he the. Isiliye mujhe nani ghar me jyada man lagta tha. Aur waha gaw(village) me he mandir tha wahi Murti bhi bhanta tha. Waha Durga Puja ke time me alag he maja lagta tha. Charo taraf sajawat phoolo ka light se jag mag karta mandir , ye adhbhut drishya tha. Bade bade pathar bhi bahut tha. Bacche usme chupam chipai khete the. Bagal me Nadi bhi hai. Vriksh bhi bahut sare hai. Yaha ka hawa bhi bahut sital hai. Sadak ke thode uche pahadi me mandir hai. Durga mandir ke piche bhole baba ka bhi mandir hai. Matlab ekdom manmohak drishya hai. Hamlog 9 dino tak pura khel-kud karte mandir me. Adhiktar samay mandir me he bitate the. Roz savare naha dho kar puja part bhi karne jate the. Astami ke din jyada bheed hua karta tha. Uss roj hamlog naya naya kapda pehan kar puja karne jate the. Aur nariyal bhi phorte the. Mela ke roj hamlog sara dost ek saath nahate aur lagbhag 5 bje saam me taiyar ho jate the mela Jane ke liye. Sabke taiyar hone ke baad sabhi mela jate aur mela tin char bar ghumte. Khub Masti Kiya karte the. Mandir me pehle ravan dahan bhi hota tha lakin ab nhi hota tha.
Mela ke baad mahol sant ho jata. Dusre din Murti ka visharjan hota. Ye din hamlogo ka antim din hota tha Masti ka. Uss roj visharjan me khub nach Gaan karte sabhi, Khub jhumte gate. Murti ke visharjan ke baad mandir me khichdi ka mahaprasad khilaya jata tha. Sabhi bare chaw se bhar pet khate the.
Visharjan ke dusre din baad mai apna Ghar chala aaya. Ab Coaching bhi khul gya tha. Sabhi bachche Coaching aana suru kar diye the. Aab lagbhag syllabus khatam ho chuka tha. Rivision chal rahi thi. Maine sabka achha se notes bhi banaya tha. Lakin revision bahut kam karta tha mai. Mujhe chemistry bahut hard lagti thi. Physics ka class bahut achhe teacher ke pass jate the lakin waha jyada chuttiya milti thi. Kyuki physics ke master bujurg ho chuke the. Master ka tabiyat bhi kharab hote rehta tha isiliye. Lakin phir master hamlogo ko padhate the. Bahut aache padhate the. Aur godda ke sabse famous master bhi the. Physics ke guru kehlate the.
English aur computer science ka class toh Mai kiya nhi tha. Isiliye Darr jyada laga rehta tha. Mere math thik thak tha. Usme jyada problem nhi tha. Dekhte dekhte din bitta gya aur exam bahut kareeb aa gya tha. Sabhi khub maan lagakar padhai kar rahe the. Hame samajh me na aane ke karan padhne ka bhi man nhi karta tha. Exam Kareeb hone ke kaaran padhna padta tha.
Exam bhi es baar jaldi hi Rahi thi. Dekhte dekhte exam bhi aa gaya. Mera centre poariyahat he pada tha. Lakin Mera koi jan pehchan ka na hone ke kaaran thoda ajeeb feel hota tha. Matlab dar sa laga rehta tha. Exam me baithne ke baad mai na he kisi se kuch baat karta tha na he kuch puchta tha. Hamse ye sab hota he nhi tha. Pata nhi kyu kabhi ye sab ki aadat thi. Tin din tak exam hota tha objective ka. Mai bahut kam he question bana pata tha. Physics aur Chemistry ka ek bhi question samajh me nhi aata tha. Bas bhagwan ke naam se gol ghera kare Jate the. Us din hame ehsas ho raha tha ki pehle achi se padhai kyu nhi ki. Ye wala regret bahut he kharab hoti h yaar. Mere pass samay bhi tha kitabe bhi thi master bhi the waqt bhi tha phir bhi mai padhai acche se nhi kiya. Ye aaj bahut kharab lag raha tha soch ke. Kisi ko fatafat sawal solve karte dekh khud ko koshte the. Kash Mai bhi aache se padha hota toh aaj mere se bhi question solve hote.
Kaise bhi karke mere exam khatam hua. Lakin aab result ka dar bahut sata raha tha. Kahi fail na ho jay. Lakin aab jo hona tha woh toh hota he.
Aap sabki jindagi me Aisa waqt kabhi na aaye jis se aapko bhi regret ka mehsoos ho. Aisa galti nahi kare jisse aapko baad me pachtawa ho.
Kya aab Mai aache aankho se pass ho paya tha?
Read next chapter.....
- Writer
