TANYA
KINAKABAHAN ako habang nasa biyahe. Hindi talaga nagpaawat si Dave at sinama ako na umuwi sa condo niya. Si kuya Deuce naman ay hindi man lang nagtaka kung bakit ako isasama ni Dave na umuwi. May alam na kaya siya?
Makakaya kaya namin ni Dave na mapanindigan ang kasal namin? Malalim akong napabuntong hininga kaya napasulyap siya sa akin.
Kagat-kagat ko ang labi ko at nililibang ang sarili na ituon ang atensiyon sa kalsada para 'di ko makausap si Dave. Noon, walang oras na tahimik kaming dalawa kapag magkasama kami dahil madami kaming topic, pero ngayon parang wala na kaming mapag-usapan dahil ang awkward naman kung magiging topic pa namin si Nathalia.
"Gusto mo bang magtake-out ng food bago tayo umuwi sa condo? Ang konti ng kinain mo kanina. Siguradong nagugutom ka na." Basag ni
