Habang nasa kusina ng Mansiyon de Crassus, at abala sa paghihiwa ng manok ay naglalakbay naman ang diwa ni Ireta nang araw na puntahan niya si Lukas sa opisina nito...
Plano ni Ireta na sorpresahin si Lukas kaya nagtungo siya ng Arkonis na hindi ipinapaalam dito, pero naisip niya na baka hindi rin maging sorpresa iyon, dahil bago pa man siya makarating ng opisina ng asawa ay baka may magpaalam na rito na papunta na siya roon. Isa pa ay may mga aparato itong naka-monitor sa kanya. Di bale na, ang mahalaga ay may dala siyang pancit dito na siya mismo ang nagluto. Dahil noong dinalhan siya nito ng pancit nang mga bata pa sila ay hindi man lang nila nakain iyon, sapagkat tinangay siya ng mga tauhan ng ina niya.
Hindi naglaon ay nasa tapat na siya ng pinto ng office of the CEO. Inangat niya a
