Chapter Thirty-Eight
SAMANTHA
“MAHAL, akin na yung mga gamit mo. Ilalagay ko na sa sasakyan,” ani Sebastian dahil kasalukuyan kaming nag-iimpake.
Napagpasyahan kasi naming magbakasyon sa Casa Beach Resort para mapag-usapan naming mabuti lahat ng kakailanganin namin sa kasal.
“Anong oras na ba mahal?” tanong ko.
“Alas singko na mahal. Mga alas otso or alas nuwebe nandoon na tayo,”
“Okay. Buhatin mo na itong bag. Nandiyan yung mga swim suit ko,” saad ko habang sinusuot ko ang aking jacket.
“Swim suit ka diyan. Bawal,” aniya pero pinandilatan ko lang siya.
Alangan namang magpajama ako?
ALAS SYETE ng umaga nang magstop-over kami sa isang kainan dahil nagugutom na ako.
“Anong gusto mo mahal? Dito ka na lang. Ako na ang mag-oorder,” aniya.
“Sisig mahal tapos chicken liver,” sagot ko.
