Chapter Forty-Seven
SEBASTIAN
HINDI ko alam kung anong gagawin ko kung mawala si Sam sa buhay ko. Kaya ganoon na lamang ang aking pag-aalala sa nangyari sa kanya.
Mabuti na lamang at hindi ganoon kasama ang nangyari sa kanya.
Nagpapasalamat ako sa Panginoon dahil binigyan niya si Sam ng tapang sa mga oras na iyon.
“Inumin mo na itong gamot mo mahal para maibsan yang sakit na nararamdaman mo,” wika ko saka ko ibinigay sa kanya ang gamot.
Nang isubo niya iyon ay kaagad ko naman siyang pinainom ng tubig saka ko siya pinahiga nang maayos.
“Mahal anong oras na?” tanong niya.
“Alas-Nuwebe mahal ko. Bakit?”
“Manonood pa ako ng Captain Ri mahal. Mamaya na ako matutulog,”
Naku po! Nawili na sa Captain Ri na iyan. Kinuha ko naman kaagad ang kanyang laptop saka ko inopen iyon at umupo ako s
