Chapter-Twenty Seven
SEBASTIAN
ALAS TRES na ng madaling araw ay hindi ko pa rin makuha ang aking tulog dahil sa sobrang pag-aalala ko para kay Sam.
Mahimbing siyang natutulog sa aking braso at ako naman ay sinusuklay lang ang kanyang buhok gamit ang aking mga daliri.
Pala-isipan pa rin sa akin ang kahina-hinalang lalaki na gustong lumapit kay Sam o baka naman napapraning lang ako dulot ng pagkakasaksak sa akin.
Hindi ko alam ang gagawin ko kung may mangyaring masama sa kanya o kahit na sinong miyembro ng aking pamilya.
Hindi maaaring madamay sila kung sakali mang may nagawa akong kasalanan.
Ako na lang, huwag na sila.
Hanggang alas singko ay nanatili akong gising. Dahan-dahan akong bumangon para umihi. Mahimbing pa rin na natutulog ang mahal ko.
Gising na rin si Matias kaya kinaus
