MULA sa malapit ay nakatanaw si Dylan sa kanyang mag-ina. Lihim niyang kinuhanan ng pictures ang mga ito.
Nakita niya kung paano ngumiti at tumawa ang kanyang anak habang nagpapaalam si Lara para pumasok. Iniabot ni Lara ang bata sa isang ginang na kasama nila.
"Ba-bye baby, behave ka lang kay Lola ha?" sabi pa nito at hinagkan ang anak sa noo.
Nakita niyang masayang masaya ang anak at talagang nakakatunaw ng damdamin ang bawat pagngiti nito.
Nang makita niyang umalis na ang mga ito at tuluyan ng nakapasok ng school si Lara, at siya naman ngayon ang pumasok sa loob.
"Sir, ano pong gagawin natin dito? Baka makita pa tayo ni Miss Lara!" wika naman sa kanya ni Rose.
Dumeretso sila sa school Admin, at kaagad na pumasok dito.
"Good morning Sir, ano pong maipapaglilingkod namin sa inyo?"
