Kanina pa hindi maipinta ang mukha ni Prince dahil sa kakahanap ng kaniyang school I.D. at exam permit. Simula kaninang umaga ay halos galugarin na niya ang buong campus pero hindi niya ito makita hanggang sa mag-uwian na lang. Kabado pa rin tuloy siya hanggang ngayon. Paano hindi? Eh ang dalawang iyon ang pinaka-importanteng bagay para makapag-exam siya bukas. Masiyado pa namang mahigpit ang GWU pagdating sa exam at gate entrance...alam niya 'yon bilang SC president
Puwera na lang kung talagang malakas ang kapit ng isang estudyante sa eskuwelahang ito kaya pinapaboran ng mga school officials.
Iyon ang kasalukuyang iniisip ng binata nang gulatin siya ng malakas na busina. Noon lang niya namalayang nasa parking lot na pala siya. Agad na uminit ang kaniyang ulo nang makita ang sasakyan ni
