|CHAPTER THIRTY SIX|
MASAKIT ang katawan ko nang magkamalay ako at maimulat ko ang aking dalawang mata.
Biglang bumalik ang alaala ko tungkol sa pagtakbo ni Ashleigh habang papunta sa kaniya ang humaharurot na kotse. Sabay kaming nasagasaan at maraming dugo....
Maraming dugo ang nawala sa anak ko! Si Ashleigh!
Napabangon ako pero kaagad din napaigik dahil sa sakit ng katawan ko. Bigla akong nakaramdam ng hilo at napabalik nalang ulit sa pagkakahiga.
Ano nang nangyari sa anak ko?
Pumikit ako at isang butil ng luha ang lumabas mula saaking mata. Ilang segundo lang ay may marahas na bumukas ng pinto. Dumilat ako at nakita ang kakapasok lang na si Ashton. Seryoso ang mukha nito at nakakuyom ang kamao. Para itong galit... Parang palagi naman eh. Pero hindi ko alam kung ano ang dahilan.
