ABALA si Aifa sa pagche-check ng mga gamot na nilagay sa tray nang maramdaman niya ang pagsiko sa kaniya ng katabing si Andrea. Isa rin itong nurse at naghahanda sila para sa kanilang rounds.
“Bakit?” takang tanong niya sa kaibigan. Malapad ang pagkakangiti nito habang nanunukso ang mga matang tiningnan siya.
“Nakita mo ba kanina ang lalaking nagdala rito kay Adriana Vega?”
“Iyong nahimatay?” paniniguro ni Aifa.
“Oo, tange. Saang lupalop ka ba ng mundo nakatira at hindi mo kilala ang beauty queen na ‘yon?”
“Hindi kasi ako masyado nakakapanood ng mga beauty pageants, eh.”
“Isa rin siyang aktres. Imposible namang hindi mo siya kilala.”
“Eh, hindi nga. Wala akong panahon manood ng T.V.”
“Hala, grabe ka naman. Baka kahit daanan ka na ng super typhoon hindi mo pa rin alam. Hindi
