PAGDATING ni Luke sa kanilang mansyon sa Forbes ay agad siyang dumiretso sa kanilang silid ni Adriana. Naabutan niya roon ang kasintahan na nakaupo sa ibabaw ng kama at naghihintay sa kaniya. Kahit galit na galit ay pinili ni Luke na pakalmahin ang sarili. Agad niyang tinungo ang drawer kung saan nakalagay ang birth control pill na nakita niya at inihagis iyon sa ibabaw ng kama sa tabi ni Adriana. Nakita niya ang bumadhang pagkagulat sa mukha ng kasintahan na lalong nagpatibay ng hinala niyang hindi nga ito buntis.
“Tell me. Ano amg ginagawa ng pill na ‘yan dito sa loob ng silid natin, Adriana?”
Napakurap si Adriana at binigyan siya ng alanganing ngiti. Tumayo pa ito at lumapit kay Luke upang tangkaing abutin ito ngunit mabilis na umiwas ang binata.
“Hon, you knew I was using that be
