Imposible talagang patay na ang baby nila.
Kitang-kita niya kanina kung paano umiyak ng malakas si baby Max! Kitang-kita niya ang katawan nitong naglilikot habang balut na balot pa ito ng dugo niya. Buhay ang anak niya! Buhay na buhay! Hindi totoong wala na si baby Max.
Dahan-dahan siyang isinakay ni Matthew sa wheel chair at dinala siya nito sa kinaroroonan raw ni baby Max.
Nadatnan nila sa isang kuwarto ang isang baby na nakahiga at wala nang buhay kasama ang isang nurse at doktor.
Nakita niyang napaluha si Matthew habang nakatingin sa walang buhay na sanggol na sinasabing anak daw nila.
Pero hindi… hindi iyon si baby Max. Hindi kayang tanggapin ng puso at isip niya na wala na ang anak nila. Sabi ni Alissa ay healthy daw ang baby nila sa tiyan niya sa kabila ng mga pinagdaanan
