جمال بثقة :
- لا يا عم اخد وعطا ده للناس الفاضية اللى لا وراها شغلة ولا مشغلة ،لكن انا وقتى اللى بيضيع ده بفلوس،يعنى انا قولتلك الكلمتين دخلوا دماغك وزنتهم ووافقت عليهم كان بها ، فقّرت فيها بقى وعملت فيها عزيز النفس يبقى خليك قاعد مش لاقى اللضا و اروح اشوف غيرك .
حسن :
- ياعم طيب حتى اصبر عليا انا دماغى طايرة مني دلوقتى ، اللى هو حتى الكلام لسه متوزنش جواها مش عارف اوزنه وانا خرمان كده ، من هنا لبكرة اديلك التمام .
جمال بأستهزاء :
- بكرة ايه ياعم ، هو انا بقولك فكر فى عريس جايبهولك ، ولا بطلب منك ايد اختك ، ده انا بقولك على سبوبة
مصلحة
شغلانة
حسن :
- ياعم اهدا بس ، بقولك مش شايف قدامي .
جمال وهو واثق بموافقة حسن :
- خلاص يا عم حسن وماله مش عيب ،بس ده علشان انت غالي بس ،من هنا لبكرة هستناك تفكر وترد عليا
مع انى حاسس بموافقتك من دلوقتى ، عايزيين نتمم الجوازة بقى .
