الظابط:
- ايه اللى خلاكى تقولى انه مش ابنك،يعنى لاحظتى ازاى اذا كان بيظهر فى الضلمة بس.
راقية:
- لما ولعت النور للحظات لمحته،قومت علشان الحقه لما خرج،لقيت الارض مكان خطواته فيها مياه،غير ان كان فيه اثر لحاجة فى رجليه واضح انها كانت مربوطة بيها،انا كنت فاكرة نفسى بحلم،لكن لقيت فعلا الارض مبلولة وده اكدلى انه حقيقة مش حلم.
الظابط:
- مربوط من رجليه!؟
راقية:
- انا مش فاكرة كان مربوط من رجليه الاتنين ولا هى رجل واحدة،ملحقتش اشوف،لكن طرف الحاجة اللى كانت مربوطة فى رجليه كان فيها حاجة تقيله بتعمل صوت وهو ماشى،مش عارفة دى طوبة ولا ايه بالظبط،لكن هى كانت سبب الصوت اللى كنت بسمعه وبيخلينى افتح عيني فى نص الليل.
الظابط:
- طيب كنتى بتسمعى الصوت ده بليل بس فى اوضتك؟،ولا سمعتيه فى مكان تانى فى البيت.
راقية:
- لاء اوقات لما ببقى واقفة فى المطبخ،بسمع الصوت جاى من الدور اللى فوق.
الظابط:
