لقيت نفسى بفكر فى الارض اياها،وبرغم ان الرجالة قالولى بلاش،لكن فكرة ان محدش فينا معاه قرش يرجعه للراجل وهتحصل مشاكل مع اهل مرات صاحبنا اللى جابلنا الشغلانة،وفى نفس الورق احنا ماضيين ورق بالفلوس اللى استلمناها،كان لازم نرضى بالحل الوحيد اللى قدامنا،وبرغم ان كان قلبى واجعنى من التجربة دى،لكن مفيش حاجة تانية فى ايدي علشان اعملها..وصلنا لصاحب الارض بمعاناة وكان السعر اقل بكتير من اللى احنا كنا محددينه،ده حتى اقل من السعر اللى احنا كنا فى ضميرنا اننا ندور بيه علشان ندخل فيه الفلوس اللى صرفناها الفترة اللى فاتت دى،عارف ياعم حسن رُخص التراب اللى بيتقال عليها،فهى ارخص من رُخص التراب،اصل اللى بيتقال عن الارض كان سبب فى ان صاحبها هيتجن ويخلص منها،راجل بعيد عن البلد طول عمره ومرتاح ماديا وهى واقفاله كده مش عارف لا يخلص منها ولا حتى يستفيد بيها،وعلشان كده قال اللى ييجى منها احسن منها،فى اقل من 24 ساعة
