كارثة غريبة، لعنة من لعنات الزمن نزلت على بلدنا مرة واحدة، الأمان بقى مفقود، حتى لو بقيت مجرد جثة، واتقفل عليك قبرك، بقا سهل أوي حد ينهش جثتك ويخرجها برة القبر..
النار كانت بتاكل كل حاجة، شكل اللهيب كان بيهز قلوبنا كلها، خاصة إن النار كانت بتاكل جواها شر كبير، شر أغتصب حُرمة الموت، شر بقى مخيف اكتر من فكرة ان الجثث بتاكل بعضها..
وغصب عني افتكرت، افتكرت أحداث رهيبة حصلت معايا طول اسوء شهر قضيته فى بيتنا، أحداث حولتني من شاب جسمه بيشع طاقة وحيوية لشاب عجوز، لو مش عجز السن لكن عجز القلب..
يااااه مش عايز افتكر، بس هحكي، هحكي للورق اللى اخدته صاحب ليا من ساعة اللى حصل، وأتمنى احس بشوية راحة بعد ما احكي..
في الليلة دي نمت وانا قلبي مقبوض بطريقة غريبة، كان عندي احساس ان فيه حاجة كبيرة هتحصل في حياتي عشان تغير مسارها تمامًا، قد ايه احساسي كان حقيقي، لأني بعد ساعتين صحيت على صوت صريخ أمي وهي بت
