من صغري وكل البنات بتغير مني، كنت بشوف ده في عنيهم وفي معاملتهم معايا، حتى كلام قرايبي اللي كان كله مدح في شكلي وذكائي كان بيحمل جواه معاني كتير، كلها حقد وغيرة وغل، انا اللي كل سنة كنت بطلع الأولى على المدرسة، انا اللي عنيا ملونة وشكلي جميل لأبعد مدى..
وبدأت أمي تخاف، تخاف بطريقة غريبة، بدأت تكذب دايما قدام الناس وتذم فيا، أي حد كان بيسأل عليا كانت بتقول دي عيانة وتعبانة، فضلت سنين تقول كده لحد ما اقتنعت فعلا اني تعبانة على طول، واني مش زي كل الناس، بقيت مجبرة ألبس الكف والخرزة الزرقا في رقبتي كل ما أطلع من بيتنا..
المبخرة كانت كل يوم أمي بتولعها، وياويلي لو خرجت في يوم قبل ما أمي تبخرني بالمبخرة، برجع أتض*ب علقة موت، لدرجة ان أمي كانت بتتلذذ انها تض*بني وتخلي شكلي وحش من الض*ب علشان تبعد عيون الناس عني، مرحلة طويلة وفاتت من حياتي، بس للأسف كانوا بيقولوا اني كنت كل ما بكبر بزيد حلاوة وج
