عشق وكبرياء

الفصل الرابع

تذهب فريده الي منزل صديقتها ندي الذي يقع في نفس الحي لترتمي فريده في احضانها محاوله منع دموعها من السقوط لكنها لم تستطع منعها طويلا لتندفع الدموع من عينيها مصاحبه لشهقاتها العاليه

ندي بخوف ووبكاء علي حال صديقتها وهيا تشدد من احتضانها.

ياه للدرجادي زعلانه فيكي ايه بس خوفتيني عليكي مالك ياديده مالك ياقلبي بس مين الي زعلك وانا اخليه اخر يوم في عمره

لتستمر فريده في البكاء الهستيري

فريده وهيا تشد علي احضان ندي اه ياندي اه

انا تعبانه قوي ياندي تعبانه قوي.

ندي بخوف ممزوج بالحزن :طيب اهدي بس وقوليلي مالك عمي تعبان ولاطنط فايزه فيها حاجه

قوليلي بس ..طيب سليم قالك حاجه زعلتك.

لتبتعد فريده وهي تمسح دموعها بيدها كالاطفال :

جدو عايز يجوزني من ابن عمي.

ندي بتعجب :طيب اللي انتي عاملاه في نفسك دا كله علشان كدا مش موافقه ارفضي.

فريده ببكاء شديد :مقدرش ارفض لجدي طلب

وكمان العريس ميترفضش هقول ايه دكتور في الجامعه وحلو بس هروح اقول لجدي انو مبحبنيش وناوي يكتب الكتاب ويسبني ذي المتعلقه لاطايله سما ولا ارض .

لتنضر لها ندي بعدم فهم :يعني ايه يكتب الكتاب ويمشي هيا لعبه ولا ايه .

لتقص عليها فريده ما حدث وكلامه الذي حدث به صديقه وهو غافل عن وجودها

ندي بغضب شديد وهيا تدور في ارجاء الغرفه : الحيوان هو فاكر بنات الناس لعبه ولا ايه ملوش اخت يخاف عليها مش خايف لما يقف قدام ربنا هيقول ايه

وبعدين انتي مش لازم تخافي علي زعل جدك اوي كدا دي حياتك ولازم تحافظي عليها وتعيشيها زي مانتي عايزه مش لازم تعملي حساب لكل واحد علي حساب نفسك فاهمه يافريده حافظي علي كرامتك واوعي تفرطي فيهم .

فريده بحزن : دا جدي ياندي يعني احن حد عليا مقدرش اني اعصي كلمته وا**ره مهما كان الي ممكن يحصلي والدكتور عمر المغرور الي شايف نفسه دا

انا هخليه يندم علي كل كلمه قاله وربنا اكيد هياخد حقي منه علشان انا مستهلش الي بيعمله فيا دا دا قاسي قوي ياندي و..

ليقطع حديثها دخول والده ندي هناء بالمشروبات

هناء بابتسامه :اتفضل يافريده احلي عصير برتقان فريش لاحلي فريده منوره بتنا.

فريده بابتسامه :متشكره ياطنط ليه تاعبه نفسك كدا اصلا كنت ماشيه دلوقتي .

هناء بلوم :تمشي ليه اقعدي معانا شويه هو انتي لسه قعدتي مينفعش طبعا تمشي .

فريده بابتسامه مصطنعه تداري حزنها :

مره تانيه ياطنط بقي علشان الوقت اتاخر

ولازم اروح علشان ميقلقوش عليا .

هناء برجاء :طيب ياحببتي اشربي العصير وبعدين انا وندي هنوصلك.

لتضحك فريده :هتوصليني ليه ياطنط دا انا لو نطيط من البلكونه هنزل في الجنينه بتاعتنا والله

متتعبيش نفسك انا هروح لوحدي يلا سلام عليكو.

هناء / ندي :وعيلكم السلام ورحمه الله .

ندي بسرعه :هكلمك علشان نكمل كلامنا .

فريده :ماشي تمام.

************************************

بينما يارا تجلس بالغرفه شارده تفكر

هل قرارها بالزواج من سليم سيكون صحيحا

او ستندم عليه لاحقا ليقطع شرودها دق الباب

لتاذن للطارق لتدخل فريده

لتنظر لها يارا بتعجب :انتي بتخبطي علي باب اوضتك يافريده !

هو علي رأي المثل البيت بيت ابونا

وييجو الغرب يطردونا

لتضحك فريده :لا ابدا ياقلبي بس انتي في الاوضه ممكن تكوني بتغيري مشغوله في حاجه فلازم استاذن طبعا وبعدين هو انتي غريبه انا زي زيك علي فكره.

يارا بابتسامه وهيا تنظر اليها بحب :انتي جميله قوي يافريده والله اخويا الباف دا مش عارف ربنا بعتله ايه

انا اصلا مش عارفه هو عمل ايه في حياته علي شان ربنا يبعتك ليه

فريده بضحك :ربنا يخليكي ياجميل والله انتي الي جميله وهتبقي من بخت الي هياخدك .

لتكشر يارا وتقوس شفتيها :اهو انا طلعت من بخت اللطخ اخوكي.

لتندهش فريده :نعم !انتي بتتكلمي جد ؟ سليم !

سليم !معقوله امتي دا حصل محدش قالي .

لتتعجب يارا من رده فعلها :اشمعنا يعني مش معقوله.

فريده بضحك :اصله كان مض*ب عن الجواز واكتر حاجه بيكرها هيا الطب البيطري علشان كدا مستغربه

دا انتي لازم سحرك جامد ياجميل

يارا بخجل :قصدك ايه!

فريده بخبث :قصدي انه شكله وقع ولا حدش سمي عليه.

يارا بخجل وهي تتجنب النظر الي فريده :

اسكتي يافريده بقي الله مش ت**فيني.

فريده بسخريه :اسكتي يافريده بقي الله دا شكله اخويا سره باتع الا قوليلي هو دا حب من اول نظره ولا ايه ولا يمكن ماحب الا بعد عداوه.

يارا بحده مصطنعه : ايه الهبل دا حب ايه ومن اول نظره ايه لا طبعا انا احب دا علي ايه علي طوله وشكله الحلو ولا عينيه السودا وشعره الي عامل ذي شعر الاتراك.

فريده بمكر :لاخالص دا انتي حتي مش واخده بالك منه شكله ايه .انا اقدر اتكلم ،انا هسكت خالص .

يارا بضيق :اوف اسكتي بقي دول حددوا كتب الكتاب بكره وانا معنديش حاجه البسها.

فريده بحزن فهذا يوم قد تمنته وسيكون بشكل لاتتمناه اي فتاه ابدا :

هنشوف بكره يحلها الحلال يالا خلينا ننام علشان ورانا بكره يوم طويل.

********************************

الصاوي :ها ياسماعيل خلصت الي كنت بتعمله وصيت علي الدبايح انا عايز ليله ولا الف ليله وليله.

اسماعيل يهدوء ينافي حزنه الداخلي :متقلقش يابا كل حاجه تمام وصيت علي الدبايح والنور وكلمت الماذون .

الصاوي :تمام ياولدي وسليم فين مش شايفه .

اسماعيل :سليم راح يجيب فساتين للبنات علشان كتب الكتاب ندي مش عندها وهو عايز يجيب لعروسته فستانها بنفسه.

الصاوي ببتسامه :ربنا يباركليه فيه راجل من ضهر راجل واخوك وولده فين .

اسماعيل :طلعو يناموا الوقت اتاخر وهما ناوين يرجعو اسكندريه بعد بكره الصبح عمر بيقول عنده شغل.

ليتن*د اسماعيل بحزن خوفا من ابن اخيه علي ابنته فهو يشعر منه بالغدر لا يعلم لما هذا الشعور يلازمه منذ حضورهم لكنه ليس بيده حيله سوا ان ينتظر ليري

كم يتمني لو انه يخيب ظنه به.

الصاوي بتعجب من سكوت ولده وشروده الشديد :مالك ياولدي قلقان ليه مش تخاف علي فريده صدقني ياولدي لو فيوم هيا طلبه الطلاق انا هخليه يطلقها غصب عنه ومش هقف في طريق قرارها.

ليبتسم اسماعيل :ربنا يخليك يابوي انتي عارف ان فريده غاليه عندي قوي دي بنت قلبي يابوي وغالوتها من غلاوه سليم ويمكن اكتر كمان.

الصاوي بطمانه وهو ينظر اليه :متقلقش ياولدي سلمها لله انا مش عايز غير مصلحتها وبس.

اسماعيل :اكيد يابوي

ليقوم من مجلسه :

انا هطلع بقي انام يابوي اصل انا تعبت قوي النهارده وورايا حجات كتير قوي بكره.

الصاوي بابتسامه :روح ياولدي تصبح طيب ان شاء الله ليقبل اسماعيل راس والده ويذهب لكي يريح جسده قليلا.

*******************************

عمر :بابا احنا هنكتب الكتاب بكره وهنسافر بعد بكره الصبح ان شاءالله .

عا** :طيب منقعد يومين علي الاقل تشوف خطيبتك وتتعرف عليها كويس

عمر بغضب بابا انا لاعايز اتعرف ولا عايز اشوفها من اصله انا هكتب الكتاب واطلع انام علشان نسافر بعدها.

عاصي بضيق من افعال ابنه :براحتك انت حر خالص انا مش هدخلك في اي قرار تعمله بس لما تندم متبقاش تيجي تعيط في الاخر.

يلا انا هنام علشان عايز اصحي بكره بدري

نطق بها عمر وهو ينسحب من امام والده

*******************************

لياتي الصباح

تستيقظ الفتيات علي طرق علي الباب

فريده بضجر شديد فهي لا تحب ان يوقظها احد :حاضر انا جايه اهو لتلبس اسدالها وتفتح الباب واذا بها تجد سليم يقف امام الباب وعلي وجهه ابتسامه واسعه.

سليم :صباح الخير علي احلي عروسه.

فريده بابتسامه :صباح الخير علي احلي اخ في الدنيا

خير مصحينا من الصبح ليه فيه حاجه ولا جاي تطمن علي العروسه لتكون هربت .

سليم :ابدا ياستي دا انا كنت جايب ليكوا فساتين لكتب الكتاب ،وبعدين هيا تقدر تهرب دا انا كنت جبتها من قفاها .

فريده وقد تناست حزنها : ههه طيب وريني الفساتين .

ليجلب لها علبتين ملفوفتين بشكل انيق

سليم بابتسامه :اتفضلي ياستي دا ليكي ودا ليارا .

فريده :منحرمش منك ابدا ياسليم انا هروح اف*ج يارا عليهم يالابقي روح من هنا ياعم .

سليم بهمس وهو يدور بعينيه في ارجاء الغرفه :

هيا لسه مش صحيت!

فريده بهمس ضاحك :هو الحب ولع في الدرا ولا ايه.

سليم غير منتبه علي قوله :قوي قوي .

فريده :والله طيب ياخويا امشي بقي.

سليم بضيق :طيب ياستي متزوقيش بس.

لتقفل فريده الباب وتذهب لتوقظ يارا

لتض*بها فريده بخفه علي كتفها :

يارا قومي ياينتي يالا بقي .

يارا بنعاس : سيبيني شويه يافريده والنبي .

لتعتدل فريده وهيا تنظر اليها بتفكير ماكر حتي ترا رده فعلها:

طيب خلاص انا هروح اقول لسليم يرجع الفستان الي جبهولك.

لتنتفض يارا من مكانها بسرعه عند سماعها لكلام فريده :ايه بتقولي جابلي ايه ؟

لتضحك فريده بشده :شيفاكي قومتي يعني ههه.

يارا بغيظ مصطنع :بطلي رخامه بقي يافريده

وريني الفستان بقي.

فريده اتفضلي ياستي اهو .

يارا باستفسار : طيب والعلبه التانيه فيها ايه .

فريده بابتسامه :دا فستان سليم جابهولي

يارا طيب يالا نفتح خلينا نتف*ج لتفتح الفتيات لتتفاجا مما تجد فساتين بيضاء بسيطه في غايه الشياكه

فقد كان فستان فريده فستان من الشيفون باللون الابيض ومطرز من الخصر بفصوص لامعه وحجاب من نفس اللون وحزاء ايضا من نفس اللون

اما يارا فقد كان فستانها من الستان بسيط في هياته يخ*ف الانظار لتبتسم بسعاده غارمه وتحضن الفستان وتدور في ارجاء الغرفه تحت انظار فريدهو الحزينه فكم تمنت ان تكون مكانها

يارا بانبهار :واو دا اخوكي دا طلع زوقه عالي جدا جدا .

فريده بتاكيد :امال يابنتي شوفتي الواحد لما يحب

مش اخوكي الي مش هاين عليه حتي يشوفني عالم تسد النفس .

يارا بحزن :ان شاء الله خير وياستي ربنا يهديه. دا انا واثقه انه لو شافك هييجي زاحف .

فريده بلا مبالاه :وان مجاش المهم خلينا نقيس الفساتين ونشوفهم لو عايزين تظبيط.

وبكدا الفصل خلص يارب يكون عجبكوا وانتظروا الجديد