“Are you okay now?” tanong ni Jules kay Nanilyn. Hindi na muna sila umuwi ng bahay. Dinala muna ng binata sa tabing dagat para naman makapag-relax dahil alam niyang masyadong na-stress si Nanilyn sa nangyari sa restaurant. Nararamdaman niya ang matinding galit nito nang makita si Olive at lalo na si Kyko.
Hindi lang naman din si Nanilyn ang nakaramdam ng matinding galit. Maging si Jules nais niyang suntukin ang mukha ni Kyko. Mariin ikinuyom ni Jules ang kanyang kamao nang maalala ang tagpo kanina. Hindi niya kilala ito at walang personalan na tagpo ang dalawa pero dahil sa ginawa nito kay Nanilyn tila umusbong ang matinding pagkasuklam para sa asawa ni Nanilyn.
‘Paano nagawang ipagpalit ni Kyko ang kanyang asawa sa babaeng walang modo at palengkera.’
Hindi niya masabing sobrang kilala
