"Iyong magsayaw po kami sa ilalim ng buwan habang puti na ang buhok namin, kaso mukhang sa ilalim ng kisame po ang mangyayari, pero okay na rin naman po iyon 'no?"
Lumungkot ang mukha ni tita sa sinabi ko, pero agad din naman siyang ngumiti.
"Napakaswerte talaga ng anak ko sa 'yo."
Kinilig naman ako sa sinabi ni tita. "Mas maswerte po ako sa kanya, tita."
Nagpasalamat pa sa 'kin si tita dahil daw nanatili ako sa kabila ng mga nangyari. Sinabi ko namang wala lang iyon, mahal ko si Jem kaya talagang mananatili ako.
Pagkatapos naming mag-usap ni tita, pinapasok niya na ako sa kwarto ni Jem at uuwi na raw muna siya para makapagpahinga. Binilin niya rin na incase may sumakit ulit kay Jem, tawagan ko agad siya.
Pagpasok ko sa kwarto, nagulat si Jem nang makita ako.
"Ano Jem? Lalo ba a
