Dalawang buwan nang nagtatrabaho si Maliyah sa opisina at masasabi niyang matatag naman ang relasyon nila ni Braxton. Hindi niya na muna hiniling na ilantad ng kasintahan ang relasyon dahil hindi niya rin gustong umalis kaagad sa trabaho. Tiyak na hindi papayag si Sir Felix na manatili siyang empleyado sa kumpanya kapag nalaman nito na may namamagitan sa kanya at sa anak nito. Ni hindi niya nga rin sigurado kung matutuwa ang ama ni Braxton dahil isa lamang siyang tauhan sa hacienda.
Pero kung mayroon mang gustong mabago si Maliyah kay Braxton ay ang pagiging possessive nito. Nagagalit ito kapag nakikitang may kausap siyang lalaki sa lobby, sa canteen, o kahit mga kliyente ng kumpanya na nakakausap niya.
"Hindi ka pa ba uuwi? Magta-taxi na lang ako para makapaglinis pa 'ko ng condo, Br
