Matapos ang ilang araw na pagbisita ni Maliyah sa bahay ni Braxton ay napalagay na ang loob ng anak sa kanya. Sumasama na ito na kumain sa malapit na fast food chain at sa isang mall para bilhan ng laruan. Sinisikap niyang maging pormal ang pakikitungo nila sa isa't isa ni Braxton kahit madalas ay gusto nitong mapalapit ulit sa kanya kahit bilang kaibigan.
"Ihatid ka namin ni Brant sa university, gusto mo?" alok nito isang araw na mabilis niyang tinanggihan.
"Dala ko ang kotse ni Luke," sagot niya. Tuwing magtatangka si Braxton na mapalapit sa kanya ay ipinapaalala niya na may asawa na siya. At na iba na ang lalaking nasa buhay niya ngayon.
"I'm glad you've found him," mahina nitong wika na minsan ay sumusulyap sa kanya kapag hindi siya nakatingin. Hindi rin naman niya tinitingnan
