SHEINA
Weekend ngayon pero maaga pa rin kaming gumising ni Jeron dahil may importante kaming lakad ngayon. Nagpunta kami sa isang mall sa Quezon City para makipagkita sa isang importanteng tao sa buhay naming dalawa. Dito sa foodcourt namin hinintay si Nanay, na gusto raw kaming makausap nang personal. Ilang beses na kasi namin siyang sinubukang tawagan sa telepono, pero hindi siya pumapayag na doon lang kami mag-usap-usap. Mas mainam daw kung sa personal. Kinakabahan nga ako eh. Kasi baka hindi pa rin humuhupa ang galit niya sa ginawa namin ni Jeron.
"Paano kung tutol pa rin siya sa atin, Jeron?" bulong ko sa katabi ko habang naghihintay kami kay Nanay rito sa sulok ng foodcourt.
"Jusko, baka kung ano'ng masasamang words ang sabihin sa 'yo ni Nanay. Tibayan mo lang ang loob mo ha. 'Wa
