SHEINA
"Hindi totoo yan," sagot ko agad sa sinabi ni Larry. Pinagpapawisan na ako at malakas na naman ang kabog sa dibdib ko, pero ayoko pa ring maniwala sa sinasabi niya. "Sina Jeron at ang LJ na yun, engaged? Imposible yan. Dahil kung totoo yan, sinabi sana yan sa akin ni Mrs. De Vera."
"Paano ka naman nakakasigurong hindi nga sila engaged?" hamon naman sa akin ni Larry na tila determinado yatang sirain ngayon ang gabi ko. "Eh yan ang sinabi ng Kuya Kris mo sa akin. Ang nanay raw mismo ni Jeron ang nagsabi sa kuya mo na engaged na nga silang dalawa at malapit na ring ikasal."
"Nagsisinungaling ang nanay niya," sabi ko naman. "Dahil kung totoo yan, yan sana ang bukambibig nila nang makausap ko sila. Kahit si LJ, nakausap ko na rin yun sa phone. Wala siyang sinabing engaged na siya kay
