[Morissette Special Chapter]
Morisette Go's POV
Bumungad sa akin ang mala-emosyong kanta ni Juris na, "Di Lang Ikaw."
🎵
Pansin mo ba ang pagbabago,
Di matitigan ang iyong mga mata,
Tila hindi na nananabik,
Sayong yakap at halik..
Kung nananadya ba naman ang pagkakataon ay talagang para sa akin ang kantang 'yon. Matapos kasi ang break up namin ni Stephen ay parang nawalan na ako ng gana sa buhay ko. Sa almost one year namin na magkarelasyon, minahal ko talaga siya nang sobra-- kahit na magpakamartir ako, katwiran ko ay huwag niya lang akong iwan. Akala ko masakit na 'yung nagbubulag-bulagan at nagbibingi-bingihan para hindi ka lang iwan ng taong mahal mo pero mas masakit pala 'yung iiwan ka niya nang gano'n kabilis, na para bang wala lang 'yung pinagsamahan n'yo at hindi niya naisip
