NAGISING si Analie kinabukasan na tila ba biglang gumaan ang pakiramdam niya. Na labis niyang pinagtaka, napatingin siya sa wedding picture nila ni Gelbirth. Hindi niya maiwasang mapabuntonghininga.
"Dear, self, hindi porke alam na natin ngayon ang side of story niya, papatawarin na natin siya. Hindi pa, hindi pa, masyado pang maaga," bulong niya sa sarili at umalis sa kama.
Pagkababa niya ay nakita niya si Ivy na naglilinis ng sahig, nang makita siya nito ay kaagad itong ngumiti sa kanya.
"Goodmorning, ma'am Ana," magiliw na bati nito.
"Goodmorning rin," tugon niya at nilibot ang tingin sa paligid.
"Hinahanap niyo po ba si sir? Ay naku, maaga po siyang umalis 'e. Hindi ko alam kung saan pupunta pero mukhang imporante dahil nagmamadali siya," daldal ni Ivy.
Napatitig siya rito. "Ganu
