KAAGAD siyang kumaway kay Libren nang makita niya itong nakatayo hawak-hawak ang name card na nakalagay ay, "Welcome home, Alie!"
Alie, ang bago niyang pangalan, iyon din ang ginagamit niya as pen name sa pagsusulat. Ngunit 'di niya naman pinabago ang sa live birth niya, pero iyan lang sinasabi niyang itawag sa kanya ng mga tao, dahil si Analie ay matagal na niyang kinalimutan, bago na siya ngayon kaya dapat bago na rin ang kanyang pangalan.
"Bakit pabigla-bigla ka ata umuwi, nakita mo na ba?" kaagad na bukad sa kanya ni Libren.
Tumaas kilay niya. "Kung ganun ay alam mo? Bakit wala ka man lang sinabi sa akin?"
Nagkamot ng batok ang lalaki. "Noong nakaraang linggo pa, hindi ko lang sinabi sa iyo kasi alam kong ganito gagawin mo, 'e hindi ba't tinatapos mo pa that time ang bago mong libr
